ఆ కనులు చూడక చూసిన యుద్ధం
వింటినారి లేకున్నను జరిగిన ఆ రణం !!
చూడ కాలమే గాఢాంధకారం
ప్రతిక్షణం తెలియని పోరాటం
ఆ కనుల జారే కన్నీరు విరచితం
ఆ మరణమృదంగం సుపరిచితం !!
ఆ సమయం చూడగ ఎదుట నరకం
ఆ విరామం కోరుకోలేని రుధిర విలాపం !!
మరపుకు రాలేని సువర్ణాక్షర అనుభవం
నేటి మార్పుకు ఒకనాటి తొలకరి దోహదం !!
ఆ చీకటి తోడుగా సదా ఒక ఉదయం
ఈ ఉదయ నిలువగ ప్రతిదినం శుభోదయం !!!
✍️ శ్రీతేజ కలం ✍️
🕉️ అమ్మ ఆశీర్వాదం 🕉️